MALLARIN ALQI-SATQISI MÜQAVİLƏSİ

1. ÜMUMİ MÜDDƏALAR
   • Malların alqı-satqısına dair müqavilə (“Müqavilə”) Azərbaycan Rеspublikasının qanunvеriciliyinə əsasən təsis еdilmiş hüquqi şəxs, vеrgi ödəyicisinin еyniləşdirmə nömrəsi ____________ оlan, “_____” MMC (“Şirkət”) ilə Alıcı arasında Müqavilə üzrə Malların alınmasına görə şərt və müddəaları müəyyən edir.
   • Alıcı, şəxsi kabinetdə qeydiyyatdan keçməklə, Sifarişləri rəsmiləşdirməklə və ya telefon nömrəsi ilə Verifikasiya olunmaqla Şirkətin saytındakı bütün tətbiqlər və əlavə bölmələr üzrə Müqavilənin tam mətni ilə razılaşır. Göstərilən hərəkətlərdən hər hansı birinin yerinə yetirilməsi Alıcı ilə Şirkət arasında müqavilənin bağlanmasını təsdiq edən faktdır.
   • Bu Müqavilə ilə nəzərdə tutulan şərt və müddəalara əlavə olaraq və onlara xələl gətirmədən, Alıcı həmçinin Malların əldə edilməsi və onlardan istifadə edilməsi ilə bağlı Şirkətin vaxtaşırı olaraq təqdim edə biləcəyi hər hansı digər təlimatlara və müəyyən edə biləcəyi şərt və qaydalara riayət etməlidir.
   • Aksiyalar kimi həvəsləndirici tədbirlər keçirildiyi təqdirdə, Şirkətin saytında yerləşdirilən aksiyalar barəsində şərtlərdə Sifarişin rəsmiləşdirilməsi və Malın qaytarılması qaydasını tənzimləyən xüsusi müddəalar müəyyən edilə bilər. Belə halda, aksiyaların şərtləri bu Müqavilənin ayrılmaz hissəsi hesab olunur və aksiyalarda iştirak edən şəxslərə şamil olunur. Aksiyada Sifarişin rəsmiləşdirilməsi və/və ya aksiyada iştirakın digər şərtlərinin yerinə yetirilməsi Alıcının müvafiq aksiyanın şərtlərinə razılığını bildirir.
   • Alış Məbləğinin ödənilməsi Elektron Vasitələr ilə Satış Portalından və mobil proqram təminatı əlavəsi (“mobile application”) üzərindən həyata keçirilə bilər.
2. TƏRİFLƏR
   • Bu Müqavilənin mətnində, digər tərif verilmədikdə, baş hərflərlə verilmiş anlayışlar aşağıda müəyyən edilən mənanı daşıyır:

3. ALICININ VERİFİKASİYASI
   • Şirkətin saytında qeydiyyatdan keçmək və/və ya Sifariş vermək üçün Alıcı mobil telefon nömrəsi ilə aşağıdakı Verifikasiya prosedurundan keçməlidir:
     • xüsusi xanaya mobil telefon nömrəsini daxil etməli, sonra “Kodu Göndər” düyməsini basmalı;
     • mobil telefon nömrəsi sahibinə SMS-lər və/və ya puş-bildirişlər vasitəsilə və/və smartfonlar üçün tətbiqlər və/ və ya messencerlər vasitəsilə və / və ya digər şəkildə Alıcı tərəfindən göstərilən mobil telefon nömrəsinə kod üçün nəzərdə tutulmuş sahəyə daxil ediləcək fərdi kod göndərilir;
     • göndərilən və daxil edilən kod uyğun gəldikdə Verifikasiya müvəffəqiyyətlə aparılmış hesab olunur – mobil telefon nömrəsinin Hesabda və/və ya Sifarişin rəsmiləşdirilməsi mərhələsində Alıcı haqqında məlumatlarda (“Sizin məlumatlarınız” – “Adınız və soyadınız”) əks olunan müəyyən fiziki şəxsə məxsus olduğu müəyyən edilir.
   • Alıcının artıq Şirkətin saytında Hesabı varsa, uğurlu Verifikasiyadan sonra həmin Hesaba avtomatik giriş baş verir. Əks halda Alıcıya mövcud Hesabdan elektron poçt ünvanı və şifrəni daxil etmək və ya yeni Hesab yaratmaq təklif olunur.
   • [irdəfəlik kod, göndərildiyi andan [___] dəqiqə ərzində etibarlıdır. Verifikasiya kodunu tələb etmək üçün əvvəlki kodun göndərildiyi andan [___] dəqiqədən gec olmayaraq təkrar cəhd edilə bilər. [Bir istifadəçi sessiyası çərçivəsində bir mobil telefon nömrəsinə 5-ə qədər verifikasiya kodu göndərmək olar (sonra [___] dəqiqəyə blok olunur).] Bir istifadəçi sessiyası çərçivəsində bir mobil telefon nömrəsinə verifikasiya kodunu daxil etmək üçün [___]qədər uğursuz cəhd edilə bilər (sonra 30 dəqiqəyə blok olunur).]
   • [Mobil telefon nömrəsi dəyişdirildikdə, Alıcı “Telefon nömrəsi dəyişdirilmişdir” düyməsinə basmaqla və Şirkətin saytında/mobil tətbiqdə təlimatlara əməl etməklə Hesabdakı mobil telefon nömrəsinin dəyişdirilməsi prosedurundan yararlana bilər.]
   • Telefon nömrəsinin Verifikasiyası üçün göndərilən birdəfəlik kod sadə elektron imzadır ki, onunla Alıcı həmin telefon nömrəsinin Alıcıya məxsus olduğunu və bu Şərtlərlə razılaşdığını təsdiq edir.
   • Verifikasiyadan keçərək, Alıcı qeydiyyat zamanı göstərilən elektron poçt ünvanına və / və ya SMS-lər və/və ya puş-bildirişlər vasitəsilə və/və smartfonlar üçün tətbiqlər və/ və ya messencerlər vasitəsilə və / və ya digər şəkildə Alıcının qeydiyyat və/ və ya Sifarişin rəsmiləşdirilməsi zamanı göstərdiyi mobil telefon nömrəsinə göndərilən, Sifarişin vəziyyəti, çatdırılma şərtləri, Alıcının səbətində olan və / və ya Alıcı tərəfindən “Seçilmiş mallar”a əlavə edilən, həmçinin əldə edilmiş Mal haqqında servis xarakterli məlumatların alınması, həmçinin Şirkətin rəy bildirməsi xahişi ilə razılaşır.
   • Alıcı razılaşır ki, Alıcı bu Müqavilənin icrasının təhlükəsizliyi və ya pozulması ilə bağlı, həmçinin texniki xarakterli səbəblərdən onun Hesabına müəyyən məhdudiyyətlər (o cümlədən, Hesabın bloka salınması) tətbiq oluna bilər. Bundan əlavə, bu Şərtləri qəbul edərkən, Alıcı Hesabındakı məhdudiyyətlərin istənilən vaxt heç bir səbəb göstərmədən və Alıcıya bildirişi verilmədən tətbiq oluna biləcəyi ilə razılaşır.
4. KOMMERSİYA BİLDİRİŞLƏRİ

• Şirkətin saytında qeydiyyatdan keçməklə, Alıcı reklam xarakterli mesajların (kommersiya bildirişlərinin) (Alıcının göstərdiyi mobil telefon nömrəsinə, elektron poçt ünvanına SMS-lər və/və ya puş-bildirişlər formasında və/və smartfonlar üçün tətbiqlər və/ və ya messencerlər və / və ya telefon zəngləri vasitəsilə və / və ya digər şəkildə) alınmasına ilkin razılığını bildirir. Reklam xarakterli mesajlar almaq istəmədikdə, Alıcı şəxsi kabinetin müvafiq bölməsində (ətraflı_____________) (parametrlərini dəyişdirmək üçün keçid) abunə parametrlərini dəyişməlidir.

5. ALIŞ MƏBLƏĞİ
   • Alış Məbləği üzrə ödəniş həyata keçirildikdən və Şirkətin hesabına daxil olduqdan sonra, Şirkətin seçiminə əsasən, Şirkət tərəfindən Alıcıya, Alış Məbləğinin ödənilməsi ilə bağlı, elektron poçt ünvanına göndərilən məktub və ya Satış Portalında ödəniş aparıldıqdan və başa çatdıqdan sonra Alıcıya təqdim edilən bildiriş vasitəsi ilə məlumat təqdim edilir.
   • Alış Məbləği üzrə bütün ödənişlər aşağıda sadalanan növlərdən olan plastik kartların birindən istifadə etməklə həyata keçirilməlidir: [Visa, Visa Electron, MasterCard, Maestro, AMEX və s. kimi kartları daxil edin].
6. MALIN DƏYƏRİNİN ÖDƏNİLMƏSİ
   • Malların qiyməti Şirkətin saytında göstərilir. Alıcı tərəfindən sifariş edilmiş Malların  qiyməti düzgün göstərilmədikdə, Şirkət ilk fürsətdə Sifarişin yenidən baxılmış qiyməti ilə təsdiq edilməsi və ya Sifarişin ləğv edilməsi üçün Alıcıya məlumat verir. Alıcı ilə əlaqə saxlamaq mümkün olmadıqda, müvafiq Sifariş ləğv edilmiş sayılır. Əgər Sifariş ödənilibsə, Şirkət Sifariş üçün ödənilmiş məbləği ödənişin həyata keçirildiyi bank kartına və ya Mallar başqa üsullarla ödənilmişdirsə, məbləğin Alıcının İstifadəçi hesabında əks olunması yolu ilə 5 iş günü ərzində Alıcıya qaytarır.
   • Şirkətin saytında göstərilən Malların qiyməti Şirkət tərəfindən birtərəfli qaydada dəyişdirilə bilər. Malların qiyməti, Sifarişin rəsmiləşdirilməsinin son mərhələsində “Sifarişi təsdiq et” düyməsini basarkən etibarlıdır. Qeyd edilən andan etibarən, Alıcı tərəfindən sifariş edilmiş Malların qiyməti dəyişdirilə bilməz.
   • Mallar əvvəlcədən ödənildikdə, Sifariş yalnız alıcının pul vəsaitlərinin Şirkətin hesablaşma hesabına köçürüldükdən sonra emal üçün qəbul edilir.
7. TƏHÜLKƏSİZLİK QAYDALARI
   • Alıcı Satış Portalından istifadə məqsədi ilə qeydiyyatdan keçərkən Alıcıya təqdim edilən istifadəçi adı, şifrə və parolu hər zaman tam məxfi saxlamalı və heç kəsə öz parollarını (şifrələrini) açıqlamamalıdır. Alıcı öz istifadəçi adı, parolunun (şifrəsinin) kiməsə məlum olmasından şübhələnərsə və ya bu barədə xəbər tutarsa, dərhal Şirkətə bu barədə məlumat verməli və dərhal parolunu (şifrəsini) dəyişməlidir. Alıcının parolları (şifrələri) özünəməxsus və digər şəxslər tərəfindən asanlıqla tapıla və ehtimal edilə bilməyən və ya əldə oluna bilməyən olmalıdır.
   • Satış Portalı ilə əlaqədar istifadələr üçün Alıcıya məxsus məlumatların təhlükəsizliyi Alıcının normal təhlükəsiz istifadə qaydalarına riayət etməsindən asılıdır və Alıcı ona məxsus məlumatların təhlükəsizliyinin qorunmasına məsuldur. Alıcı razılaşır ki, Alış Məbləğinin ödənilməsi zamanı hər hansı məxfi məlumatın (kart, bank hesabı və s.) kimsəyə açıqlanmamasının təmin olunması üçün bütün lazımı tədbirlər görür.
   • Alıcı Alış Məbləğinin ödənilməsi ilə əlaqədar Şirkətin tələb edə biləcəyi istənilən əlavə təhlükəsizlik tələblərinə riayət etməyə borcludur.
8. ŞİRKƏTİN HÜQUQLARI
   • Şirkət aşağıdakı hüquqlara malikdir:
     • Alıcıya məxsus fərdi məlumatların işlənməsini həyata keçirmək və həmçinin Azərbaycan Respublikasının "Fərdi məlumatlar haqqında" Qanununa uyğun olaraq, bu Qaydaların məqsədlərinə münasibətdə fəxri məlumatlarının işlənməsi üçün üçüncü şəxsləri cəlb etmək;
     • Alıcını əvvəlcədən xəbərdar etməklə, Müqaviləni ləğv etmək və ya qüvvəsini müvəqqəti dayandırmaq. Şirkət Müqavilənin ləğvi və ya qüvvəsinin müvəqqəti dayandırılması nəticəsində yarana bilən hər hansı itki və ziyana görə Alıcı qarşısında hər hansı məsuliyyət daşımır;
     • Alıcının Alış Məbləğinə görə ödəniş məbləğlərini istifadəçi hesabından akseptsiz qaydaya silmək;
     • Alıcıya əvvəlcədən xəbərdarlıq etmədən Alış Məbləğinin “onlayn” ödənilməsini aşağıdakı hallarda dayandırmaq (bloklaşdırmaq):

1. Müqavilənin müddəaları Alıcı tərəfindən pozulduqda, sözügedən pozuntular və onun fəsadları Alıcı tərəfindən aradan qaldırılanadək;
2. Satış Portalında texniki nasazlıqlar yarandıqda, onlar və fəsadları aradan qaldırılmasınadək;
3. Satış Portalında Şirkətin istifadə etdiyi avadanlığı və (yaxud) proqram təminatını dəyişdirmək, texniki xidmət üçün və s. zamanı – onun dəyişdirilməsi, xidmət və s. üçün tələb olunan müddətdə;
4. Satış Portalının məxfiliyi pozulduğu halda, müvafiq pozuntu və onun fəsadları aradan qaldırılanadək;
5. Satış Portalına Alıcı və ya Alıcının səlahiyyətli nümayəndəsi olmayan şəxs tərəfindən daxil olunmasına və (yaxud) istifadə edilməsinə şübhə yarandığı təqdirdə, bu hallara Şirkəti qane edən dərəcədə aydınlıq gətirilənədək;

bu şərtlə ki, Şirkət bu hallarda, yarana bilən hər hansı itki və ziyana görə Alıcı qarşısında hər hansı məsuliyyət daşımır.

9. Tərəflərİn məsulİyyətİ
   • Müqavilələr üzrə öz öhdəliklərinin yerinə yetirilməməsi və (yaxud) lazımınca yerinə yetirilməməsi üçün Tərəflər Tətbiq Edilən Qanunvericiliklə müəyyən edilmiş məsuliyyəti daşıyır.
   • Şirkət yalnız özünün qəsdən etdiyi hərəkətlər nəticəsində Alıcının məruz qaldığı birbaşa itki və ya zərərlər üçün məsuliyyət daşıyır, bu şərtlə ki, Şirkət heç bir halda hər hansı dolayı zərər və ya itkilər, o cümlədən əldən çıxmış gəlir və ya mənfəət üçün məsuliyyət daşımır.
   • Şirkət aşağıdakı hallara görə heç bir məsuliyyət və ya öhdəlik daşımır:
     • Alış Məbləğinin ödənilməsinin Şirkətdən asılı olmayan səbəblərdən ləngiməsinə və nəticə etibarı ilə Alıcının Malları almaq hüququnun qüvvəyə minməməsinə görə;
     • Alıcı tərəfindən Satış Portalından istifadə və / yaxud Alış Məbləğinin ödənilməsi ilə əlaqədar hər hansı parametrlər düzgün quraşdırılmadıqda, əmələ gələn problemlər və ya əngəllər olduqda və yaxud onun istifadə etdiyi kompüter və ya rabitə avadanlıqlarının təhlükəsizlik sistemlərinin sıradan çıxması səbəbindən yaranan problemlərə (sistemə müdaxilələrə və s.) görə;
     • Alıcının istifadə etdiyi avadanlığın xüsusiyyətləri ilə bağlı olan səbəblərdən Alıcının Alış Məbləğini ödəmək imkanının olmamasına görə;
     • Məlumatların məxfiliyinin qorunması və məxfiliyinin təmin edilməsi üzrə tələblərə Alıcı tərəfindən riayət edilməməsi nəticəsində ona dəyə biləcək hər hansı zərərə görə;
     • Alıcının özünün qərəzli, ehtiyatsız və ya etinasız hərəkətləri (hərəkətsizliyi) nəticəsində üçüncü şəxslərin Şirkətin Alıcıya təqdim etdiyi Satış Portalına səlahiyyət olmadan girişinə və ondan istifadəsinə, habelə belə səlahiyyətsiz girişin və ya istifadənin səbəb olduğu nəticələrə görə;
     • Alıcının Şirkətə yazılı, şifahi, internet və (yaxud) elektron sistemlər vasitəsilə verdiyi məlumatların dolğun və düzgün olmasına, belə olmadığı halda isə yarana biləcək zərərlərə görə;
     • Həyata keçirilən əməliyyatların Tətbiq Edilən Qanunvericiliyə uyğun olaraq tərtib edilməsinə, əməliyyatların təhlükəsizlik vasitələrindən istifadə etməklə müvafiq qaydada təsdiq edilməsinə, habelə Alıcı tərəfindən Satış Portalına daxil edilən məlumatların dürüstlüyünə və tamlığına görə.

10. SİFARİŞİN RƏSMİLƏŞDİRİLMƏSİ VƏ YERİNƏ YETİRİLMƏ MÜDDƏTLƏRİ
    • Sifariş rəsmiləşdirilərkən Alıcı Verifikasiya prosedurundan keçməlidir.
    • Sifarişi rəsmiləşdirdikdə, Alıcıya Sifarişin çatdırılmasının gözlənilən tarixi barədə məlumat verilir. Bu tarix, Çatdırılma xidmətinin Sifarişi Alıcıya təqdim etməyə hazır olduğu vaxt deməkdir. Qeyd edilən tarix Şirkətin anbarında sifariş edilmiş Malların mövcudluğundan, Sifarişin emalı üçün lazım olan vaxtdan, ödənişin aparılması vaxtından və Çatdırılma Xidmətinin Sifarişin rəsmiləşdirilməsi zamanı seçildiyi Göndərişin çatdırılma müddətlərindən asılıdır.
    • Şirkətin anbarında Malların olması barədə məlumat və Şirkətin anbarına Malların çatdırılmasının gözlənilən müddəti Şirkətin saytında göstərilir.
    • Şirkətin saytında təqdim olunan Mallar haqqında bütün informasiya materialları məlumat xarakteri daşıyır və Malların ölçüləri və formaları daxil olmaqla, Malların xüsusiyyətləri və xarakteristikaları haqqında düzgün məlumatı tam həcmdə göstərməyə bilər. Alıcının Malların xüsusiyyətləri və xarakteristikaları ilə bağlı sualları yaranarsa, Sifariş verməzdən əvvəl _________________ (linki daxil edin) müraciət etməlidir.
11. SİFARİŞİN LƏĞV EDİLMƏSİ VƏ YA MALLARIN QAYTARILMASI
    • Sifarişin icrası Alıcının və ya Şirkətin iradəsindən asılı olmayan səbəblərdən mümkün olmamışdırsa və ya hər hansı digər əsaslı səbəb olduqda, Şirkət Sifarişi ləğv edə bilər və bu barədə Alıcıya məlumat verir. Bu halda müvafiq Sifarişin qiyməti 30 iş günü ərzində Alıcıya qaytarılmalıdır.
    • Əgər müəyyən fərdi xüsusiyyətlərə malik olan lazımi keyfiyyətli Mallar yalnız onu əldə edən Alıcı tərəfindən istifadə oluna bilərsə, Alıcı istənilən halda qeyd edilən Mallardan imtina edə bilməz.
    • Sifariş Alıcı tərəfindən, alınan Mallarda hər hansı qüsur və ya çatışmazlıq olmadan ləğv edildikdə, müvafiq Sifarişin qiyməti 30 iş günü ərzində Alıcıya qaytarılmalıdır və bu halda müvafiq Malların qaytarılması və Satıcıya çatdırılması ilə bağlı olan bütün xərcləri Alıcı ödəməlidir.
    • Sifariş Alıcı tərəfindən, alınan Mallarda hər hansı qüsur və ya çatışmazlıq səbəbindən ləğv edildikdə, müvafiq Sifarişin qiyməti 30 iş günü ərzində Alıcıya qaytarılmalıdır və bu halda müvafiq Malların qaytarılması və Satıcıya çatdırılması ilə bağlı olan bütün xərcləri Satıcı ödəməlidir.
    • Sifarişin cari statusu ilə Alıcı Şəxsi kabinetində tanış ola bilər. Bank kartı ilə ödənilən Sifarişlər və Mallar üçün avtomatik olaraq ödənişin həyata keçirildiyi karta qaytarılma həyata keçiriləcəkdir.
12. ÇATDIRILMA
    • Çatdırılma, __________(Çatdıran şəxs göstərilməli) və ya Çatdırılma xidməti tərəfindən həyata keçirilir. Malların çatdırılma üsulları Şirkətin saytında göstərilmişdir. Alıcının ünvanına çatdırılma imkanı Sifarişin rəsmiləşdirilməsi zamanı müəyyən edilir. Sifarişin rəsmiləşdirilməsi zamanı Alıcının mövcud çatdırılma üsullarından seçdiyi üsul razılaşdırılmış çatdırılma üsulu sayılır.
    • Çatdırılma yalnız [Azərbaycan Respublikasının] ərazisində həyata keçirilir.
    • Şirkət, Şirkətin saytında göstərilən çatdırılma müddətlərinə riayət etmək üçün bütün səylər göstərəcək, buna baxmayaraq Şirkətin təqsiri olmadan baş vermiş gözlənilməz hallarla əlaqədar çatdırılma zamanı ləngimələr mümkündür və Şirkət bu kimi hallar üçün məsuliyyət daşımır.
    • Çatdırılma zamanı Sifariş Alıcıya və ya Sifariş alan qismində göstərilən şəxsə verilir. Yuxarıda göstərilən şəxslər tərəfindən nağd hesablaşma əsasında rəsmiləşdirilmiş Sifarişi almaq mümkün olmadıqda, Sifariş barəsində məlumatlı (göndərilmə nömrəsi və/və ya Alıcının SAA) olan, həmçinin Sifarişin qiymətini Sifarişin çatdırılmasını həyata keçirən şəxsə tam həcmdə ödəməyə hazır olan şəxsə təqdim edilir.
    • Qabaqcadan ödənilmiş Sifarişi təqdim edərkən, Sifarişin çatdırılmasını həyata keçirən şəxs Alıcının şəxsiyyətini təsdiq edən sənədi tələb edə bilər. Şirkət Alıcının fərdi məlumatlarının məxfiliyinə və qorunmasına zəmanət verir.
    • [Sifariş verilərkən Alıcı Sifarişin çatdırılmasını həyata keçirən şəxsin iştirakı ilə Sifarişin xarici görünüşünü və qablaşdırılmasını, Sifarişdə olan Malların miqdarını, Malların xarici görünüşünü və qablaşdırılmasını, komplektliyini yoxlamalıdır.]
    • Şirkətin saytında nəzərdə tutulan və ya ağlabatan müddətdə Sifarişin Alıcı tərəfindən alınmaması, Alıcının Müqavilədən imtina etməsi sayılır və Sifarişin Şirkət tərəfindən ləğv edilməsi üçün əsasdır. Əgər alınmamış Sifariş əvvəlcədən ödənilmişdirsə, pul vəsaitləri Şirkətin Sifarişi çatdırma və digər ağlabatan xərcləri çıxılmaqla 30 iş günü ərzində Alıcının istifadəçi hesabına qaytarılır.

13. ƏQLİ MÜLKİYYƏT
    • Saytda olan bütün mətn tipli məlumatlar və qrafik təsvirlər Şirkətin mülkiyyətidir.
14. MƏXFİLİK
    • Şirkət Malların satışı ilə bağlı Alıcı ilə əlaqə qurmaq məqsədilə, həmçinin xidmətlərin göstərilməsi üçün zəruri olan Alıcı məlumatını toplayır. Şirkət Alıcının fərdi məlumatlarını üçüncü şəxslərə satmır və ya vermir. Lakin Şirkət müəyyən Alıcı məlumatını Şirkətin adından xidmət göstərən və ya Şirkətin müəyyən mal və ya xidmət təklif etmək üçün tərəfdaşlıq münasibətləri bağladığı üçüncü şəxslərə ötürə və bu müqavilədə göstərilmiş hallarda açıqlaya bilər.

• Şirkətin məxfilik siyasəti dəyişərsə, Şirkət müvafiq qaydaların yenilənmiş versiyasını dərc edir. Alıcı, Şirkətin vaxtaşırı Alıcı məlumatının toplaması qaydası ilə bağlı öz seçimini edə bilər.

• Şirkət Alıcının könüllü olaraq Şirkətə ötürdüyü, aşağıdakı məlumatları toplaya bilər:

• Alıcının adı, soyadı, telefon nömrəsi,ünvanı
• Alıcının sosial şəbəkə ünvanı və elektron poçt ünvanı məlumatı (tətbiq ediləcəyi halda);
• Alıcının Alıcı adı (login), parolu (tətbiq ediləcəyi halda) kimi təhlükəsizlik məlumatı və siyasətlərin qəbulu;
• Müştərilərə dəstək xidmətinə və texniki dəstəklə bağlı sorğular
  • Alıcı proqram yüklənməsi, Şirkətin saytında qeydiyyatdan keçmə, sifarişin yerləşdirilməsi, xidmətlərə abunə olma, sorğuların, müsabiqələrin və ya reklam kampaniyaların birində iştirak, seminarda, treninqdə və ya bu kimi digər tədbirdə iştirak, həmçinin texniki və ya müştəri dəstəyi ilə bağlı Şirkət ilə əlaqə saxlama kimi məlumatları könüllü olaraq Şirkətə ötürərkən, Şirkət, Alıcıdan aldığı məlumatları toplayır.
  • Şirkət öz adından müxtəlif funksiyaları yerinə yetirmək üçün üçüncü tərəf təchizatçılarını, xidmət provayderlərini və təchizatçıları işə cəlb edə bilər. Üçüncü şəxslərin xidmətlərinə müştərilər haqqında məlumatların idarə edilməsi, bank kartları üzrə ödənişlərin emalı, məlumatların təhlili, proqram təminatı, Şirkətin saytı və məlumat bazasının işlənməsi, yerləşdirilməsi və saxlanılması daxil ola bilər, lakin bunlarla məhdudlaşdırılmır. Şirkət bu xidmət provayderlərinin heç birinə Alıcı məlumatından hər hansı digər şəkildə istifadə etməyə və ya bu xidmətlər kontekstindən kənarda Alıcı ilə əlaqə saxlamağa icazə vermir. Şirkətin Alıcının fərdi məlumatlarının paylaşdığı üçüncü tərəf təchizatçıları, xidmət provayderləri və təchizatçılar haqqında daha ətraflı məlumat əldə etmək üçün Alıcı__________ ilə əlaqə saxlaya bilər.
  • Şirkət fərdi məlumatları (a) hökumətin qanuni sorğusuna, məhkəmə əmrinə, inzibati və ya məhkəmə prosesinə cavab vermək də daxil olmaqla Şirkətin hüquqi öhdəliklərini yerinə yetirmək; (b) Şirkətin qanuni hüquqlarını müəyyən etmək, həyata keçirmək və ya qorumaq üçün zəruri olduqda; (c) digər şəxsin həyat baxımından mühüm olan mənafelərini qorumaq üçün zəruri olduqda; (ç) Şirkətin fəaliyyətinin tam və ya bir hissəsinin satılması, verilməsi və ya ötürülməsi və ya yenidən təşkil edilməsi ilə bağlı və yaxud (d) digər şəkildə Alıcının razılığının Şirkət tərəfindən əldə edildiyi hallar da daxil olmaqla qüvvədə olan qanunvericiliyə uyğun olaraq digər üçüncü şəxslərə açıqlaya bilər.
  • Alıcının fərdi məlumatları Azərbaycan Respublikasının hüdudlarından kənarda fərdi məlumatların müxtəlif səviyyədə hüquqi mühafizəsini təmin edən qanunvericiliyə malik olan ölkələrdə yerləşən yuxarıda göstərilən üçüncü şəxslərə ötürülə bilər.
  • Şirkət, topladığı Alıcı məlumatını mühafizə etmək üçün təhlükəsizlik tədbirlərindən istifadə edir.
  • Proqram Təminatı digər saytlara və ya proqramlara istinadları ehtiva edə bilər. Şirkət, bu veb-saytların və proqramların məxfilik siyasətinə nəzarət etmir və ya onu izləmir. Şirkət hər hansı bir əlaqəli veb-saytların və proqramların məzmununa və/və ya təcrübəsinə görə məsuliyyət daşımır.
  • Müqavilədə nəzərdə tutulan müddət bitdikdə, Şirkət aşağıdakı üsullardan birinin vasitəsilə Alıcının fərdi məlumatlarını məhv etməyə razılaşır:

1. kağız informasiya daşıyıcısının müvafiq doğrama maşınları vasitəsilə məhv edilməsi;
2. kağız informasiya daşıyıcısının yandırılması;
3. kağız informasiya daşıyıcısının kimyəvi məhlullar vasitəsilə məhv edilməsi;
4. elektron informasiya daşıyıcısının mexaniki təsir üsulu ilə məhv edilərək bərpası mümkün olmayan vəziyyətə salınması;
5. elektron informasiya daşıyıcısının bərpası mümkün olmayan qaydada formatlanması;
6. xüsusi proqram təminatı vasitəsilə elektron informasiya daşıyıcısında olan məlumatların bərpası mümkün olmayan qaydada silinməsi;
7. Şirkətin münasib və uyğun hesab etdiyi hər hansı digər üsulla.

• Şirkət, Alıcının məlumatlarını Müqavilə müddəti ərzində və bu müddətdən sonra öz qanuni hüquq və vəzifələrə uyğun olaraq bir il ərzində saxlayır.
• Tənzimləyici qanunvericilik Alıcıya: (a) fərdi məlumatlarına giriş əldə etmək, (b) qeyri-dəqiq məlumatları düzəltmək, (ç) (artıq tələb olunmayan) fərdi məlumatlarını silmək, (ç) fərdi məlumatların emalının məhdudlaşdırılmasını tələb etmək, (d) fərdi məlumatlarınızın emalına etiraz etmək, (e) fərdi məlumatlarınızın köçürülməsini tələb etmək, (ə) müvafiq nəzarət orqanına şikayət vermək, (f) əvvəllər verilmiş razılığı geri götürmək hüququnu və (g) tənzimləyici qanunvericiliklə nəzərdə tutulmuş digər hüquqları verir. Alıcı razılığının geri götürülməsi, geri götürməyə qədər həyata keçirilən istənilən emalın qanuniliyinə, eləcə də razılıqdan fərqli olaraq digər qanuni əsaslara istinad edilərək həyata keçirilən fərdi məlumatların emalına təsir etməyəcək. Alıcı hüquqlarından hər hansı birini istifadə etmək istəyərsə, _____ilə əlaqə saxlamalıdır.
• ŞİRKƏT FƏRDİ MƏLUMATLARIN TOPLANILMASI VƏ İŞLƏNİLMƏSİ ZAMANI FƏRDİ MƏLUMATLARIN TOPLANILMASININ VƏ İŞLƏNİLMƏSİNİN QANUNİLİYİNİ VƏ TƏHLÜKƏSİZLİYİNİ TƏMİN EDİR VƏ FƏRDİ MƏLUMATLARI QANUNVERİCİLİYİN TƏLƏBİNƏ UYĞUN OLARAQ MÜHAFİZƏ EDİR. ŞİRKƏTİN QƏSDİ VƏ KOBUD EHTİYATSIZLIĞI NƏTİCƏSİNDƏ MƏLUMATLARIN MÜHAFİZƏSİNİN TAM TƏMİN OLUNMAMASI NƏTİCƏSİNDƏ İSTİFADƏÇİYƏ DƏYƏN ZİYANA GÖRƏ ŞİRKƏT QANUNVERİCİLİKDƏ NƏZƏRDƏ TUTULAN QAYDADA MƏSULİYYƏT DAŞIYIR.

15. ZƏMANƏT VERMƏKDƏN İMTİNA ETMƏ VƏ MƏSULİYYƏTİN MƏHDUDLAŞDIRILMASI 
    • Zəmanətlər. Alıcı, qəsdən hüquqazidd hərəkət və ya kobud etinasızlıq halları istisna olmaqla, Malların alqı-satqısı ilə bağlı yaranan, Şirkətə qarşı ola biləcəyi hər hansı pretenziyalardan imtina edir. ŞİRKƏT, MALLARI “OLDUĞU KİMİ” HEÇ BİR ZƏMANƏT VERMƏDƏN TƏHVİL VERİR, ALICI İSƏ QƏBUL EDİR. ŞİRKƏT, NƏZƏRDƏ TUTULAN HƏR HANSI MALIN KEYFİYYƏT ZƏMANƏTİ VƏ YA MƏQSƏDLİ İSTİFADƏ ÜÇÜN YARARLIĞIN ZƏMANƏTİ DAXİL OLMAQLA, AÇIQ-AŞKAR VƏ YA NƏZƏRDƏ TUTULAN HƏR HANSI BƏYANATLARDAN VƏ YA HƏR HANSI NÖV ZƏMANƏTLƏRDƏN İMTINA EDİR.
    • Məsuliyyətin məhdudlaşdırılması . Şirkət, qəsdən hüquqazidd hərəkət və ya kobud etinasızlıq halları istisna olmaqla, Mallarla bağlı yaxud Şirkətin bu Müqavilənin icrası ilə bağlı dəyən hər hansı itkiyə və ya zərərə görə Alıcı və/ və ya hər hansı üçüncü tərəf qarşısında məsuliyyət daşımır. ŞİRKƏT, MÜQAVİLƏYƏ, DELİKTƏ VƏ YA HÜQUQ NƏZƏRİYYƏSİNƏ ƏSASLANAN, MALLARIN İSTİFADƏSİ VƏ YA BU MÜQAVİLƏNİN HƏR HANSI İCRASI NƏTİCƏSİNDƏ YARANAN HƏR HANSI BİRBAŞA, DOLAYI, FAKTİKİ, TƏSADÜFİ VƏ YA SONRAKI ZƏRƏRƏ GÖRƏ MƏSULİYYƏT DAŞIMIR. ALICI RAZILAŞIR Kİ, ZƏMANƏT VƏ MƏSULİYYƏTLƏ BAĞLI BU MƏHDUDİYƏTLƏR AĞLABATANDIR VƏ ŞİRKƏT, ZƏMANƏTDƏN İMTİNAETMƏ VƏ ŞİRKƏTİN MƏSULİYYƏTİNİN MƏHDUDLAŞDIRILMASI İLƏ BAĞLI ALICININ MÜSBƏT İFADƏ OLUNMUŞ RAZILIĞI OLMADAN BU MÜQAVİLƏNİ BAĞLAMAZDI.
    • Alıcı tərəfindən təzminatın verilməsi. ALICI ŞİRKƏT TƏRƏFİNDƏN ÇƏKİLƏN VƏ YA ŞİRKƏTƏ QARŞI İRƏLİ SÜRÜLƏN, (A) ALICININ İCAZƏ VERDİYİ, ALICI TƏRƏFİNDƏN ALICININ HESABINA GİRİŞ VƏ YA ONDAN İSTİFADƏNİN VƏ YA (B) BU MÜQAVİLƏNİN POZULMASI VƏ YA İCRA EDİLMƏMƏSİ VƏ ÜÇÜNCÜ ŞƏXSLƏRİN HÜQUQLARININ HƏR HANSI POZULMASI DAXİL OLMAQLA ALICININ HƏR HANSI HƏRƏKƏTİ VƏ YA HƏRƏKƏTSİZLİYİ NƏTİCƏSİNDƏ YARANAN VƏ YA ONLARLA BAĞLI OLAN BÜTÜN İTKİLƏRƏ, ZƏRƏRƏ, BORC OHDƏLİKLƏRİNƏ, BORCLARA, TƏLƏBLƏRƏ, PRETENZİYALARA, İDDİALARA, İDDİA ƏSASLARINA, XƏRCLƏRƏ, MƏSRƏFLƏRƏ, O CÜMLƏDƏN MƏHKƏMƏ XƏRCLƏRİNƏ VƏ HƏR HANSI İDDİANIN HƏLLİ VƏ YA MƏHKƏMƏ QƏRARININ İCRASI (BİRLİKDƏ “PRETENZİYALAR” ADLANDIRILACAQ) ÜÇÜN ÖDƏNİLƏN İSTƏNİLƏN MƏBLƏĞƏ GÖRƏ ŞİRKƏTƏ TƏZMİNAT ÖDƏMƏYƏ RAZILAŞIR.
16. MÜQAVİLƏNİN MÜDDƏTİ VƏ ONA XİTAM VERMƏ
    • Bu Müqavilə Alıcı və ya Şirkət tərəfindən xitam verilənə qədər qüvvədə qalır.
    • Şirkət, öz mülahizəsi ilə istənilən vaxt və istənilən səbəbdən, əvvəlcədən bildiriş verməklə və ya vermədən, bu Müqaviləni dayandıra və ya ona xitam verə bilər.
    • Bu Müqavilənin hər hansı bir müddəasına Alıcı tərəfindən riayət edilmədiyi təqdirdə, bu Müqaviləyə dərhal, Şirkətin əvvəlcədən bildirişi olmadan xitam veriləcəkdir. Alıcı, həmçinin Hesabını ləğv etməklə Müqaviləyə xitam verə bilər.
17. Fors-major
    • Şirkət Tərəflərin əvvəlcədən görə bilmədikləri və görülən tədbirlərlə təsir etmək iqtidarında olmadıqları hadisələr nəticəsində qarşısıalınmaz qüvvə şəraiti yarandıqda və bu səbəbdən Müqavilə üzrə öhdəliklərin yerinə yetirilməsi imkanı qismən və ya tamamilə təxirə salındıqda və ya mümkün olmadıqda, Şirkət həmin qarşısıalınmaz qüvvə şəraitinin davam etdiyi müddət ərzində Alıcıya dəyə bilən hər hansı ziyan və ya zərər üçün bütün məsuliyyətdən azad edilir.
    • Qarşısıalınmaz qüvvə hallarına o hadisələr aiddir ki, Tərəflər onlara təsir göstərə bilmir və onların meydana gəlməsi üçün məsuliyyət daşımır, məsələn, zəlzələ, daşqın, yanğın habelə tətil, Hakimiyyət Orqanlarının qərarları, hərbi əməliyyatlar, terror aktları, o cümlədən İnternet və (yaxud) mobil telefon şəkəbəsinin işində fasilələr və s.
18. MÜQAVİLƏNİN TAMLIĞI
    • Bu Müqavilənin hər hansı bir müddəası qanuni qüvvəyə malik olmayan və ya etibarsız hesab edilərsə, belə müddəa qanunvericiliyə uyğun olaraq maksimal mümkün dərəcədə müddəanın məqsədlərinə nail olmaq üçün dəyişdiriləcək və şərh ediləcəkdir, qalan müddəalar isə tam qüvvədə qalacaqdır.
19. TƏTBİQ EDİLƏN HÜQUQ VƏ MÜBAHİSƏLƏRİN HƏLLİ
    • Tətbiq edilən hüquq. Bu Müqavilə Azərbaycan Respublikasının qanunvericiliyi ilə tənzimlənir.
    • Mübahisələrin həlli. Tərəflər, bu Müqavilədən irəli gələn və ya onunla bağlı olan hər hansı mübahisələrin və ya pretenziyaların vicdanlı danışıqlar yolu ilə həlli üçün bütün səylər göstərəcəklər. Müqaviləyə və ya digər hüquqi normalara əsaslanan, bu Müqavilədən irəli gələn və ya onunla bağlı olan, vicdanlı danışıqlar yolu ilə həll olunmayan hər hansı pretenziya (dələduzluq və ya məlumatların təhrif edilməsinə dair hər hansı pretenziya daxil olmaqla, lakin bununla məhdudlaşmayaraq), o cümlədən onun şərhi, icrası, pozulması və ya ona xitam verilməsi, müstəsna olaraq Azərbaycan Respublikasının müvafiq məhkəmələri tərəfindən həll olunur.
20. MÜQAVİLƏYƏ DƏYİŞİKLİKLƏRİN EDİLMƏSİ
    • Şirkət istənilən vaxt öz mülahizəsi ilə bu Müqaviləni dəyişdirmək və ya əvəzləşdirmək hüququnu özündə saxlayır. Müqaviləyə dəyişiklik əhəmiyyətli olduğu təqdirdə, Şirkət hər hansı yeni şərtlərin qüvvəyə minməsinə ən azı 10 gün qalmış bildiriş təqdim edir. Əhəmiyyətli dəyişikliyin nədən ibarət olduğu Şirkətin mülahizəsi ilə müəyyən olunur.
21. QAYDALARIN DİLİ
    • Bu Qaydalar [Azərbaycan, İngilis və Rus] dillərində tərtib edilir. Müxtəlif dillərdə olan mətnlər arasında uyğunsuzluq olduğu təqdirdə, Azərbaycan dilində olan mətnə üstünlük verilir.
22. ƏLAQƏ MƏLUMATLARI
    • Bu Müqavilə ilə bağlı hər hansı sualınız yaranarsa, xahiş edirik ______ ilə bizimlə əlaqə saxlayasınız.